Falam Ah COVID-19 Minaa Thar 4 Hmu Bet

Falam ah June 2, 2021 (tuni) ah Covid-19 minaa thar 4 an hmu bet tiah theih a si. May 20 ih Covid minaa 6 pawl siizung in an țum zoih mizaan le tuni ih hmu tharmi minaa 10 pawl cu siizung ah ahran te’n ret an si.

Minaa 10 sungah kum upa lam 2 cu besia deuh dinhmun an siih tuni ih hmu tharmi pawl cu biakinn khawmnak ihsin nat suan awmi tiah zum deuh an si.

Covid nat pianhmang pawl a simi; taksa, khuhkhuh, thawsam le rim thei nawn lo tivek cang in rinhlelh awmi pawl cun Falam siizungpi ah zinglam nazi 10:00-11:00 ah Rapid Test Kit thawn nat zohfelnak tuah thei a si.

Tuisun June 2 (tuni) 12:35 pm hrawngah Falam Covid-19 damlo pakhat a thi, kum 50 mi nupinu a si ih Laampa thlaan ah vui cih dingin an tawlrel rero lai. (# Chinland Herald).

Tonzang peng, Cikhai khua ih Covid-19 damlo kum 73 mi pitar khal June 1 zan nazi 9:30 ah a thi. May 30 zan nazi 12:00 ah Cikha khua ih Covid-19 damlo naupai pakhat kum 38 mi a thi zo.

Be the first to comment

Leave a Reply

Your email address will not be published.


*