Falam ah Covid-19 Mithi 1 Vuiliam Saal (June 27), Falam Covid-19 Dinhmun

June 27, 2021 (tuzing) nazi 3:30 hrawngah Sykyi Hrang Thawm Vel (kum 62) in siizung ah in cemsan ih nazi 7:00 am ah Volunteer pawl in Laampa thlanmual ah an vuiliam cih.

June 27 (tuni) ah Falam Siizungpi OPD ih COVID-19 Nat Zohfelnak ah mi 115 sungah mi 22 in Nat an nei ti’n an hmu, June 26 (mizaan) ahcun mi 13 hnen ah nat an hmu.

May 20, 2021 ihsin June 27, 2021 tiang Falam siizungpi ih Nat zohfelnak ah mi 218 an positive ih mithi 10 an um zo a si.
COVID-19 ruangih Falam peng sungah a thimi pawl cu: June 2 ah Pi Zing Rem Thluai (Kum 53), June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81),

June 13 ah Pu Sui Ceu (Kum 67) le Pu Lalthanpuia (Rihkhawdar- kum 38), June 16 ah Mai Lal Muan Kim (Kum 27), June 18 ah Pi Za Nawn Kai (Kum 79), June 19 ah Pastor Thang Hre Mang (kum 33), June 21 ah Pi Lun Khaw Niang (kum 76)

June 22 ah Salai Lal Than Eng (kum 25), June 24 ah Pu Cung Lian (kum 66), June 25 ah Pu John Ral Za Lian Kulh (kum 60), June 26 ah U Win Naing (Rihkhawdar- kum 72)le June 27 ah Pu Hrang Thawm Vel (kum 62) pawl an siih Falam khuasung ihsin mi 10, Falam pengsung ihsin mi 14 an thi zo tiah theih a si. (#Chinland Herald)

Be the first to comment

Leave a Reply

Your email address will not be published.


*