Falam Ah Covid-19 Nat Nei 6 An Hmu Bet

Tuisun May 1, 2021 ah Chinram, Falam ah Covid-19 nat nei minung 6 an hmu bet. Falam ah Covid-19 nat nei minung 12 an um thlang ih 2 cu siizung ihsin an suak zo,.

Tuisun ih an hmuhmi 6 telin minung 10 cu Falam siizung ah an tuamhlawm rero lai. Khuasung mi in “Tuisun ah 6 an hmu, khuasung mi hlir an si. An dam lo deuh, ‘kan dam lo’ tin siizung ah an ra piahaw ih an rak zohdik cu Covid-19 nathrik an hmu.

Upa lam 2 cu malte seherh um dinhmun an si, an 6 in siizung ah an umter. A hlan ih natnei pawl thawn pehtlaih awknak an nei lo, midang dang an si” a ti.

Damlo 6 pawl cu Cinmual veng ih um le veng dangdang ih um an si. May 31 sunah Chinram, Tedim ramsung khalah Covid-19 nat nei minung 5 an rak hmu zo.

Tedim khuami pakhat in “Manisun ah damlo 5 kan hmu, Tedim khuami an si. Khuasung ih natkai an si, kan dungih mithi thawn pehtlaihaw mi an si ih siizung ah an um lai” a ti.

May thla ihsin Chin ramsung ah Covid-19 natnei an pung ciamco. Tonzang peng, Cikha khua ah Covid-19 nat nei an tam zet. May 31 khalah naupai kum 38 mi cu Covid-19 in a thi.

Be the first to comment

Leave a Reply

Your email address will not be published.


*