Falam Ah Dalan An Kap, A Thi Lo Ih Kalay Siizung An Panpi, Lamlakah An Rak Kai

Falam khawpi, Cinmual vengsung ih lakphak dawr ah dalan hminthang pakhat an kap. Kum 60 mi U Than Win cu ralhrang hnenih thuthup sim ṭheutu dalan hminthang a si ih ahlan ah ralrinnak an rak pe zo ih ralrinnak an pek ruangah a hlo lawk. Amah hi Semiang zungah Engineer hnatuan lai a si.

Tunaite ah ara suaksal ih December 14, 2021 sun nazi 2:00 hrawngah zo ti theih lo pawlin meithal in veihthum an kap. Mithmutu in, “A zak hnuai le a pum ah an kap. Motor ke thum nei pawl hmangin Falam siizungpi ah an phur. A thi le thi lo cu kan thei lo, ralkap le palik pawl an ra thleng ih naiten kan zoh thei nawn lo. Dawr pawl khal an khar thluh, innsung tiang zingzoinak cu an nei lo” a ti.

Falam siizungpi ah an tuamhlawm nan ṭhalam a pan thei lo ih a bese deuhdeuh ruangah December 15, 2021 sun ah Kalaymyo siizung ah tuamhlawm dingin an phur. Asinan, lamlakah mipi kilhimtu pawlin an rak kap ih U Than Win cu an kai.

Motor sungih um mi pahnih cu an tlansuak man nan pakhat in hliamhma a tuar ruangah kiangkap um sikhan te ah an piahaw. Cutin an piahawk laiah mipi kilhimtu pathum an va lut ih an phone pawl an laksak hnuah an tlansan. U Than Win kaitu hi zopawl an si ti theih a si lo.

Be the first to comment

Leave a Reply

Your email address will not be published.


*