Falam Ah Palik Bawi Zuri In An Kapaw Ih Pakhat A Thi

June 30 zan nazi 10:00 hrawngah Falam ih palik bawi 2 cu zuripin kut an thlakaw ih an tuahmawh aw na zet ti theih a si. Deputy Sergeant Lal Cawi Sang le Sergeant Buhar cu zuri in ṭongkam an elaw.

Zan nazi 10:00 hrawngah Sergeant Buhar cu sakhan sungah ava lut ih nam in Lal Cawi Sang ih hna ah veihnih a sat, Deputy Sergeant Lal Cawi Sang khalin a pum ah veithum arak kap ve.

Sergeant Buhar cu Falam siizung ah an tlanpi hngal ih a hliamhma tuar a bese tuk ih a dinhmun a ṭha lo ruangah Kalaymyo lam an panpi.

A zanzan ah Kalaymyo lam an tlanpi hngal nan Var lilawn kiang an thleng zawngah an motor a siat ih zan an riak. Cutin Kalaymyo siizung an va thleng ih July 2 zinglam ah a pum ih hliamhma tuar loin a thi.

Deputy Sergeant Lal Cawi Sang khal Falam siizung ah an lutpi ih an tuamhlawm rero lai, an buainak hi theihfiang a si hrih lo. Palik bawi Lal Cawi Sang hi Falam dothlennak ih cangvaitu pawl kai ṭheutu a si, curuangah Falam Mino Pawlkom in a thi asilen a ruang cu Falam ah phum sak an tum lo thu an rak than zo.

Be the first to comment

Leave a Reply

Your email address will not be published.


*