Falam Ah Palik Bawi Zuri In An Sual Aw Ih An Tuahmawh Aw Na Zet

Chinram, Falam khawpi ah palik bawi 2 cu zuripin kut an thlakaw ih an tuahmawh aw na zet ti theih a si. June 30 zanlam ah Deputy Sergeant Lal Cawi Sang le Sergeant Buhar cu zuri in ṭongkam an elaw.

Zan nazi 10:00 hrawngah Sergeant Buhar cu sakhan sungah ava lut ih nam in Lal Cawi Sang ih hna ah veihnih a sat, Deputy Sergeant Lal Cawi Sang khalin a pum ah veithum arak kap ve.

Sergeant Buhar cu Falam siizung ah an tlanpi hngal ih a hliamhma tuar a bese tuk ih a dinhmun a ṭha lo ruangah Kalaymyo lam tlanpidan ding an tawlrel rero lai.

Deputy Sergeant Lal Cawi Sang khal Falam siizung ah an lutpi ih an tuamhlawm rero lai, an buainak hi theihfiang a si hrih lo.

Be the first to comment

Leave a Reply

Your email address will not be published.


*