July 15, 2022 zan ah Falam khuasung ah meithal awn an thei ih mipi cu thlaphang in an um. Meithal awn thuhla an zingzoi hnuah ralhrang in anmah ralhrang pakhat an kap that thu theih a si. Ralhrang pawl cu motor thawn khuasung ah an tawivak ih Pathang Khan veng, PCM biakinn kiangkap ah ralhrang pawl an um.
Tualsung mi pakhat lamleng lai cu ralhrang pawlin an hmu ih an kap ciamco ih anmah ralhrang pakhat sawn an kap that. Tualsung mi pakhat khal hliamhma a tuar ih siizung ah an tuamhlawm rero lai. Meithal awn a thang veten Tatkhone ih umhmun khuar ralhrang le khuasung ih um palik sakhan ihsin meithal an kap ciamco.
Thudang: Tamu Ah An Kap Aw: July 16, 2022 zinglam nazi 10:00 hrawngah ralhrang le ပ.က.ဖ pawl an kap aw ih mipi ralkap pakhat Ko Aung Htay ih nunnak a liam. Tamu tualsung mipi ralkap ပ.က.ဖ cu zinglam ah hmunram thianfainak an va nei.
Tamu khuasung lutnak datsii dawr kiangah ralhrang 200 hrawng cu a mizan lam ihsin umhmun an rak khuar cia. Ralhrang le mipi ralkap cu an tong aw thutthi ih nazi 2 sung an kap aw. An kahawk laiah khuasung mi motor mawng pahnih an va tlan ih ralhrang pawlin an rak dingter ih an dirhsuak hnuah an kap that veve.
An doawknak ah mipi ralkap pakhat le tualsung mi pahnih an thi, ralhrang thi le hliamtuar cazin cu theih a si lo. Tamu-PDF tatzin (4) in an va kap bawm, ralhrang pawlin mithi ruak cu an urkang nan mipi ralkap pawlin a caan kel in meisa cu an mit thei. Mipi ralkap ruak cu sakhan ah an phur tlung.
Leave a Reply