Falam Ah Ralkap In Bike Mawng Lai Unau Hnih An Kap

Tuni zing May 22 zinglam nazi 11:30 kiangkap hrawng ah မီးသတ် zunglam tlanghel zin ih inn sak hnatuan unau hnih te bike thawn an feh lai ah Uico pawl in an kap.

Sinan, Pathian ih lamhruai umpinak in kap cu an kap ngah lo. An kap thinphang ah a naupa cu bike par in dawp ih hramlak ah ke in tlan. A upa cu bike thawn a tlan, a upa cu inn lam a thleng zo ih a nau deuh sawn hi hramlak in tlan a si ruangah tutiang inn lam a thleng hrih lo.

(Edited- A nau khal himdam ten inn a thleng sal zo.) မီးသတ် zung umnak lam tlanghel zin cu hrial ding a si. Zokhal vaktawi nawn lo ding.

Cuvke thotho in zing 11:30 kiangkap hrawng thotho ah Congheng ih mino pakhat cu bike thawn a suk ah a hmai ih feh Uico motor cu a lan. Cumi ah Uico pawl nih cawl ding in an auh.

Cawl lo in bike cak nawn in a tlan ih a dung lam Uico pawl nih hronak ah meithal an puah. Congheng le Zamual lak ah uico pawl an um thepthep. Kan feh sukso tik ralring fimkhur ten kan sukso pei uh. (Falam CDM Supporters)

Be the first to comment

Leave a Reply

Your email address will not be published.


*