Falam CDM Paralṭha Salai Sap Din In Ram Hrangah A Nunnak A Pe

Ram le miphun hrangah mino pawl ih nunnak a liam rero cu thin a naa tuk. Falam CDM Supporters in, “CDM Paralṭha
Mipi humhim dingin nunnak pektu Paralṭha, Rest In Power. Rest In Peace. Sap Din!!! “Kan tongawk sal leh ding” na timi an tam tuk nan ual”
tin an tarlang.

Salai Sap Din Thuama in ram le miphun hrangah a nunnak a hlan. A rualpi Mai… in, “Dap Tukum cu Birthday kan tuah tlang dingg kan ti sal nan si ti. Nang le kei cu kan suah ni bang awk ih keih tuk, kan neh dingih aih phah ding nuam tak in kan lawm ding kan ti kha. Ziangah saw a tuan tuk lo maw…

Dap hiti ten kan lo zuk sal duh nan kan inn ah tla in leng sal ṭul si… (Mai ???) thawn tla thu nuam rel in kan hni rero sal lai ding si. Tu cu maw kan neh tik ih kan hnatuan kel kan tuan tik ah nang na um nawn lo ding. September thla kim dingih Birthday tuahpi ka nei nawn lo ding…

Dap ka lo ngai tuk ding. Dap nang cu na hnangam tuk aw, Na rualpi pawl thawn kan tong awk tik le kan lo hlam tuk ding. Ziangtin si kan run hnem awk hai ding. Nan maw Dap rak cawl hrih aw maw. Khuadai um lo, rilrawng um lo, Buainak umlonak Pa tang sungah… Dap Sap Din Thuama kan lo ngai, Paraltha Sap Din Thuama, Rest In Power” tin Facebook cahmai ah a tarlang.

Be the first to comment

Leave a Reply

Your email address will not be published.


*