Falam Covid-19 Mina Pakhat A Thi

Falam ih Covid minaa pakhat, kum 50 nupinu, cu June 2 (tuni) 12:35 pm hrawngah a thi. Falam ah Covid ruangih thimi hmaisabik a si.

A ruak cu siizung ihsin Laampa thlaan ah vui cih dingin an tawlrel rero lai” tin Chinland Herald thuthang ah an tarlang.

May thla ihsin Chin ramsung ah Covid-19 natnei an pung ciamco. Tonzang peng, Cikha khua ah Covid-19 nat nei an tam zet. May 31 khalah naupai kum 38 mi cu Covid-19 in a thi zo.

Falam ah Covid-19 nat kai minung 12 an hmu zo ih 2 cu siizung ihsin an suak zo. Siizung ah 10 an um lai, damlo 2 cu an bese zet ih oxygen pek ṭul an si. Myanmar ramsung ah Covid-19 thlisia a lengsal ruangah fimkhur a ṭul zet, vahsuah tikah mask bun in kut kholh ringring ding a si.

Be the first to comment

Leave a Reply

Your email address will not be published.


*