Falam Hrambun Ralkap Pakhat CNDF Hnenah A Tlanlut

Chin State, Falam hrambun ih um ralkap Htet Myat Aung cu ralhrang kuthnuai ah hna a áš­uan duh nawn lo ruangah ralthuam kimcang thawn CNO/CNDF hnenah a tlanlut thu CNO in April 18 sun ah tlangthannak an nei. Ralthuam kimcang thawn a tlansuak ih CNO/CNDF in laksawng an pek hnuah hmunhimnak ah an hruai.

Thudang: Tamu tlawnginn ih umhmun khuar ralhrang pawl cu PDF in an kap. Tamu khawpi, Nanfalon High School ih umhmun khuar ralhrang pawl cu April 17 zinglam nazi 7:00 ah tualsung mipi ralkap PDF-Tamu tangtlang in an va kap ciamco ih ralhrang 4 an thi.

PDF-Tamu tatzin (1) le tatzin (2) ih Special Commando pawlin an va kap ih ralbawi pakhat telin ralhrang 4 cu tlawnginn hmaiah an thi. Mipi ralkap lamah mithi le hliamtuar an um lo ih hlawhtling zetin an kirsal, an kir hnu minute 30 hrawngah siizung motor le ralhrang motor ava thleng ih ralthuam picang le meithal an kap ciamco.

Be the first to comment

Leave a Reply

Your email address will not be published.


*