Falam Ihsin Poksuak Ralhrang Pawl Cu Ni 10 Hnuah Hakha An Thleng

Falam ihsin poksuak ralhrang pawl cu July 17, 2022 zanlam nazi 4:15 ah Hakha khawpi an thleng ih bomb veikhat a puak.

Khuami pakhat in, “Khuasung ah ralhrang motor 18 an ra lut ih bomb veikhat a puak nan hliamtuar an um lo” a ti. June 27 ah ralhrang motor 27 cu Kalaymyo ihsin Chinram ah an kaiso ih July 6 ah Falam khawpi an thleng.

Ralhrang motor 4 sungah innsaknak, thilsaknak thilri bungrua pawl an phur. A thaizing July 7 ah Falam ihsin an poksuak ih Hakha lamah an feh, Falam-Hakha karlak ah tualsung mipi ralkap CNA, CNDF, CDF-Hakha, CDF-Thantlang le CDF-Matupi pawlin an rak kap ciamco ih ralhrang 50 lenglo an thi.

Mipi ralkap 2 an thi ih hliamtuar 10 hrawng an um. Ralhrang pawlin inn le lo tampi an urkang ih Ramthlo biakinn thilri bungrua khal an siatsuah. Falam-Hakha karlak cu nazi 2 sung feh a si nan ralhrang pawl cu ni 10 hnu lawngah Hakha an thleng thei. Ralhrang hliamtuar 15 cu Hakha siizung ah an phurlut.

Be the first to comment

Leave a Reply

Your email address will not be published.


*