Falam-Kalay Lamzin Ah Bike Thawn Bomb Kammi An Palsual Ih A Nunnak Liam

Chin State, Valung le Zawnglei khua karlak ah Chin mino (2) Salai Peter Dim Lian Sang le Salai Van Duh Thang in lamzin ah bomb kammi an palsual ih Salai Peter Dim Lian Sang ih nunnak liam. Salai Van Duh Thang khal hliamhma a tuar.

Kum 22 mi Salai Peter Dim Lian Sang cu Education Degree Collage ah kumkhatnak zir lai a si. Kan dung zarh June 29, 2022 zinglam nazi 11:00 hrawngah ralhrang motor 24 cu Kalaymyo ihsin Chinram ah an kaiso. Zawngkawng khua kiang ihsin ke thawn an kaiso vivo, bomb an pal puahnak lamzin cu ralhrang pawl fehnak ding lamzin tluan a si.

Thudang: Mihlo Hawlnak
Chin State, Thantlang peng, Lulpilung khuami Salai Duh Cem Thang cu kan dung zarh June 26 ihsin tuini tiang a thuhla theih a si nawn lo, a hlo. June 26 ah Salen khua ah an va feh ih zan ah fala an leng.

“Kei cu rualpi inn ih riak ding ka si ih ka rak ṭin hmaisa ding’ tin a suak ih a riahnak ding inn khal a thleng lo. Tutiang khui ah aum ti an thei lo ruangah an mangbang zet. Khuasung mipi pawl khalin an hawl nan an hmu lo, a hmutu nan rak um asilen phone number 09423886416 ah in pehtlaih hram uh’ tin an tarlang.

Be the first to comment

Leave a Reply

Your email address will not be published.


*