Falam Khuasung Ah Pukpi Le Meithal An Kap

June 17, 2022 zan nazi 10:00 hrawng ihsin Falam khua sungah ralthuampi le meithal awn an thei rero. Tualsung mipi pawlin Tat Kone lam ihsin pukpi awn veithum le meithal awn an thei.

Khuami pakhat in, “Zan nazi 10:15 hrawng in meithal awn kan thei, ralthuam picang khal veithum hrawng an kap. Zandang ahcun meithal awn kan thei dah lo, a reh ngaingai. Rinlopin meithal awn kan thei cu kan lau tuk” a ti.

Meithal awn hi minte 30 sung hrawng a thang ih tlawnginn kiangih um mipa pakhat in hliamhma a tuar, ralhrang le mipi ralkap an kapaw maw ti cu theih a si hrih lo. Khuami in, “An kapaw maw ti cu kan thei lo. Falam khuasung ih um kum 60 hrawng pa pakhat in hliamhma a tuar. Ralhrang 10 hrawng cu private motor in No.3 tlawnginn lamah an tlan” a ti.

Falam No.3 tlawnginn ah tlawngkai nauhak an tam zet ti theih a si. Cun, tuizan thotho ah Chin State, Rihkhawdar khua ah pukpi awn veikhat le meithal awn an thei ih ahmat (4) vengsung ah Drone a zamkual rero.

Be the first to comment

Leave a Reply

Your email address will not be published.


*