Falam Khua Kiang Doawknak Ah CNDF/CNO Pasalṭha Salai Cung Nawl Piang A Thi

Falam peng, Hlanzawl khua kiang (Lumbang khua kiang) ah thuneihnak latu ralkap le mipi kilhimtu CNDF/CNO pawl an doaw ih tlangval kum 28 mi Salai Cung Nawl Piang a thih thu theih a si.

“Tuizing ah Falam peng, Lumbang khua kiangah Kalaymyo ihsin Hakha lam feh ralkap motor pahnih cu a hmin theih lo hriamkai pawlkom pakhat in an rak bawh ih an kapaw ciamco. Mithi le hliamtuar umziat cu theih a si hrih lo” tin Chin World thuthang ah an tarlang.

Salai Cung Nawl Piang cu Khuangli khuami a si ih Aizawl, Canmary Veng ah an um. Ram le miphun hrangah tin CNDF/CNO ah a lut ih misualral ralkap pawl do dingin a poksuak hnuah catuan ram in fehsan.

Tlangval fel le miṭha zet a si ih a nui hnaṭuan bawmtu bik khal a si. Paraltha Salai Cung Nawl Piang Chin mipi in upatnak kan lo pe ih na thuanthu a dai nawn lo ding.

Be the first to comment

Leave a Reply

Your email address will not be published.


*