Falam Khuami (25) Cu Ralhrang Pawlin Ralkham Awknak Ah An Hmang Ih An Suah Sal

Ralhrang pawlin Falam khuami (25) cu an kai ih ralkham awknak ah an hmang. June 20 zinglam nazi 10:00 hrawngah ralhrang 20 hrawng cu Hakha-Rih lamzin pialnak tlangpar ah umhmun an khuar ih lamzin ih feh pawl cu an rak dingter.

An bike le motor cu lamzin kap ah an retter ih minung cu ralkham awknak ah an hmang. Falam-Hakha lamzin Lungpi khua lamah ke in an feh ih an hmaiah mipi pawl cu an fehter hmaisa.

Lungpi khua an thleng hnuah Falam lamah an kirsal ih Rih lamzin pialnak an thleng tikah an kaihmi 25 cu an thlahsal thluh. Ralhrang pawlin khuasung mipi pawl an hruai laiah Falam-Hakha lamzin hi an khar.

Mizan June 19 khalah Falam, Tat Kone ih umhmun khuar ralhrang pawlin Lungpi khua lamah pukpi an kap ciamco.

Be the first to comment

Leave a Reply

Your email address will not be published.


*