Falam Khuapi Humhimnak Hmalaak Daan Thu Relkhawm

Falam khuapi humhimnak hmalaak daan thu thawn pehpar in veng ciar ih țuanvo neitu pawl cu March 7 (tuni) Senpi inn ah relkhawmnak an nei tiah theih a si.

Țuanvo neitu pakhat cun, “Falam khuapi humhimnak hi pawlkom/bu pakhat lawngih țuan a ngah lo. Mipi zaten țuanvo laak khawm țul tikcu a siih ziangtin hmalaak tlaang a fuh bik ding tiah kan relkhawmmi a si. Kan tumtah bik khal Falam khuapi humhimnak a si” tiah a sim.

March 5 ah mi sualral pawl in inn 3 cu datsi theh in meisa thawn țhitnak, March 6 zinglam ah inn 1 urkaangnak le zaan ah inn 3 kaangralnak pawl a cang ih March 7 ah atu bangtuk in hmalaak dan thu relkhawmnak an neimi a si.

Cuih thurel khawmnak ihsin Falam khuasung ih veng 15 ah Security group pawl din a siih ahleice in zaan ah khuapi kilnak pawl an nei thok thlang ding tiah theih a si. (#Chinland Herald DAILY News)

Be the first to comment

Leave a Reply

Your email address will not be published.


*