Falam Khuasung Ah Ralhrang Motor 23 A Lut, Mipi An Thinphang

February 10, 2022 zinglam nazi 9:30 ah ralhrang motor 23 le bike 15 cu Falam khuasung ah an va lut ih Vankau tlangpar ih ralkap sakhan ah an feh. Ralhrang 8 cu Cawngheng khua par lam ihsin Var lilawn lamah an suk.

Ralhrang motor sungah cun ei le in le thilri bungrua pawl an phur tam zet. Kiangkap um pakhat in, “Motor sungah ei le in le thilri bungrua an phur tam. Motor pakhat ah ralhrang 5 hrawng lawng an to” a ti.

Himi ralhrang motor pawl cu February 8 ah Kalaymyo ihsin Kalay-Falam lamzin ah an kaiso ih lamzin ah kahawknak an tong lo. Tualsung mi pakhat in, “Kan dung thla ahcun himi lamzin parah nasa zetin an kapaw ciamco.

Mipi kilhimtu pawl khal áš­ulsammi an neih ruangah dung an sip lawk, cumi sungah ralhrang motor cu zalen zetin himi lamzin ah an feh” a ti. January thla sungah Falam khua kiangah nasa zetin an kapaw ciamco, ralhrang motor tam zet an thlengsal ruangah Falam bazar ih dawr ong pakhat in khuasung ah kahawknak a suak pang ding ti kan phang zet’ a ti.

January 6 ah ralhrang 300 hrawng cu Falam ramsung ah an lut ih tualsung mipi kilhimtu CNDF pawl thawn vei 12 an kapaw. Vei 12 an kahawknak ah ralhrang 81 an thi ih hliamtuar 60 lenglo an um thu CNDF in an phuang. An doawknak ah CNDF ralkap pakhat mual a liam ih 8 in hliam an tuar.

Be the first to comment

Leave a Reply

Your email address will not be published.


*