“Falam Khuasung Kap Dingih SAC Hnaṭuan Hmuah Cawlter Ding Lamzin Hril A Ṭul Ding…”

CNO sungṭuan pakhat in, “Laitlang ah 9 Townships kan um ih zo cio raldo kan si betah zo township hman SAC tang ih Tlawngkai kan umlo. Nan Falam ah mipum 400 leng tlawng kan kai zo ih SAC ralkap nih Security lak sak rero in kan um.

Religion based in education tuah ding kan lungkim nan Religious lam nih or Community lam nih tla mipi hrang, kan fale hrang ruat zet in ralṭha zet hnatuah ngamtu kan umlo. Cusi ahcun SAC tang in Education kan feh rero lecu kan duh lo zet mi FALAM KHUSUNG KAP ding ih SAC hnatuan hmuah cawlter ding lamzin hril a tul ding.

Falam religious hruaitu pawl le Mipi pawl ruat uh si, ziang si kan duh timi?
(1) Laitlang cu Religion in fimthiamnak thok mi kan si ruah ah religion nih tu ah ralṭha zetin in fehpi uh.
(2) Politic upa pawl nih ground ah ra uh, hnatuan uh, kan ram kan Laitlang kan Falam kan sersuah caan ah in umpi uh.

(3) Ramsung Ramleng mifim mithiam pawl kan Laitlang Kan Falam hrang reality in hnatuan caan a si kan tuantlang pei uh tu ah.
(4) Mipi pawl kan zaten lungrualten awkhatten hna kan tuantlang pei uh.
HMINSIN: Laitlang cu kanmah kepar ah kan ding ding, kanmah thuneihnak kan ser ding. Kan mahten kan uk awk ding. Zo kan Ngai lo” tin a tarlang.

Be the first to comment

Leave a Reply

Your email address will not be published.


*