Falam Khuasung Um Mipi Zaten Theih Ṭul Mi

Thu: Covid-19 Dokhamnak Hrang Mipi Hnenah Zangfah Diknak:
(1) Falam khuasung Covid-19 nat dokhamnak ah FCMF ih zangfah dilnak bangtukin June 23, 2021 ihsin October 26, 2021 tiang ni (129) sung mipi ih tan nan lak ciarnak parah FCMF in lungawithu kan sim.
(2) Covid-19 nat dokhamnak ah a ṭha bik mi pakhat cu mipi in Covid-19 dokhamnak daan pawl fumfe le ṭhaten thlun hi a si.

(3) Falam khuasung ah Covid-19 natnak nei mina an tam sal ruangah mipi lengsuak vak loin mah le inn cio ah um a si ding. Damlonak le poipeng a um pang asile innsang pakhat ah minung pakhat lawng mask le kuthruk hmang in suak a si ding.

(4) Falam khuasung ah khua dang ihsin a laangin a ratu pawl cu Covid-19 nat dokham daan thlunin hmaihup (Mask) le kuthruk (Glove) hmang tengteng a si dingih, a riak in a ratu pawl cu Covid-19 nat test dingah mah le inntek (asilole) innhnen cio in Covid-19 volunteer hnenah theiter le simnak nei a si ding. (09427731293 / 09891071624)
(5) Covid-19 natnak nei positive asile siizung ah hmuhaw in siizung ah um ṭul asile um tengteng a si ding.

(6) Hanghah hnagrah dawr (bazar) cu nazi 12:00PM tiang lawng ong a si hrih ding ih, thilzuartu cu (a haha) ten then in male zuar caan lawngah zuar a si ding.
(7) Thilri dawr pawl cu zanlam 4:00PM tiang ong a si dingih dawr neitu in hridai zam, hand gel ret in dawr zuartu le a leitu in hmaihup (mask) le kuthruk (glove) hmang tengteng a si ding.

(8) Ei-in le zuu dawr pawl cu a fun (parcel) in zuar le leiaw a si hrih dingih a zuartu le a leitu in hmauhup (mask) le kuthruk (glove) hmang tengteng a si ding.
(9) Biakinn khawmnak, veng khawm le mibur umnak (lungawithusim thlacamnak le mopuai pawl) tuah hrih lo ding. Hrial thei lo mi a um pang asile pastor lawngin telpi a si ding.

(10) Mithi a um pang le topi awknak nei hrih lo ding. A rang theibik le a thlahtu minung a mal thei bikin thlanmual ah fehpi in vui thei ding zuam cio a si ding.
(11) Himi thu cu October 27 – November 12, 2021 tiang a si ding.

Hminsin: November 15, 2021 hlan ah thu poipeng dang a um pang asile a ṭul dan ih zir in thuthan awk a si leh ding. Falam khuasung um mipi humhim awk thei dingin le mikhual sukso pawl hnangam zet ih khuasung ah an tlanlen theinak ding ruahsan in zangfah dilnak hi thupi ah ruatin thlun zuam cio dingah zangfah kan lo dil.

Be the first to comment

Leave a Reply

Your email address will not be published.


*