Falam luhnak ah COVID Test Tuah Ding, An Check Hnu Lawngah Falam Khuasung An Lut Thei Ding

Falam Covid Volunteer group, Lamtah sen pawlkom le Harhdam zung komkhawm aw in Cinmual lam ih Falam luhnak ah COVID test nak an tuah thlang ding tiah theih a si.

Cinmual lam ihsin Falam khuasung ih luttu pohpoh “leengsuak theinak hngawng orh” neitu siar lo an check hnu lawngah Falam an lut siang thlang dingmi a si.

Falam Siibawipi Dr. Tluang Cung Thang cun, “khuasung ih nat karhzainak hi tuhlan tluk in a tam nawn lo ruangah Falam leenglam ihsin nat ra karhzai lonak ding hrangah kan tuahmi a si” tiah a sim.

COVID-10 Test Booth cu Pu Zung Peng in a innhmai ih tuah dingah hmunhma a pek ih a kiltu ding pawl cawl-umnak ding hrang khal ah a inn a hlaanmi a si.

Falam COVID Volunteer hotu Salai Nhgepi Thian Uk Thang khal in, “mawtaw lutmi zate, Laikhua lam ihsin ratu zate hnen ah kan check thluh ding” tiah a sim ve.

Falam khuasung khal ah volunteer pawl in nat neitu thawn hnawihnihnak pohpoh ah test kit thawn pehzom in nat an check hrih thotho ding tiah theih a si. COVID nat test nak cu zinglam ah harhdam zung le Lamtah sen in țuanvo an laak dingih zannlam ah Volunteer pawl in țhen hnih in țuanvo an laak ding tiah theih a si. (Hram: Falam Community Media)

Be the first to comment

Leave a Reply

Your email address will not be published.


*