Falam, Matubuk Ah Lei A Min

Falam, Matubuk vengih ziinkel ciah ah ruahsur tuk ruangah September 21 (mizaan) nazi 9:30 pm hrawng ihsin lei a min tiah theih a si.

Cutiih leimin ruangah ziin kap ih innsang 5 pawl cu kiangkap venghnen pawl ih bomnak thawn a zaanzaan in thilri thiar in hmundang ah an țhawn tiah veng upa pakhat in CH a sim.

Amah cun, “Zaan nazi 10:00 ihsin thilri pawl kan thiar thok ih zinglam nazi 2:00 hrawngah kan țheh” tiah a sim. Leivawr pawl in lamzin a pit ter ih mawțaw le bike pawl feh thei loin a um nan JCB in a nor ih September 22 (tuni) zaanlam 2:00 pm hrawng ihsin lamzin a ong saal zo.

Cutiih lamzin pit ruangah Falam Daifim mawtaw khal a taang ih tuzaan 6:00 pm hnu lam lawngah inti phur mawtaw cu Falam a thleng thei lai ding tiah theih a si. (#Chinland Herald DAILY News)

Be the first to comment

Leave a Reply

Your email address will not be published.


*