“Falam Mi Zapi Hnenah FCMF Ih Zangfah Dilnak”

Falam khawpi ah Covid-19 nat nei an pung deuhdeuh ruangah Falam Christian Ministers Fellowship in ni 8 sung lockdown tuah ding thu an phuang. Falam ah Covid-19 in minung 12 an thi zo ih damlo khal an tam zet.

“Falam mi zapi hnenah FCMF ih zangfah dilnak” (1) A tlun ih thu thawn pehkai awin, Covid-19 leilungtlun pulhnatnak cu kan khua sungah nasa zetin a karhzai ih kan suan awk ciamco zo ruangah a thi le hlo khal kan tam zet zo.

(2) Nat ngah hnu ih tuamhlawm awk hnakin nat ngah lo dingih ralrin ding a thupi sawn ruangah bulpak, innsang le pawlkom in kan himdam theinak dingah nasa zetin tanlaknak thawn suakvak lote’n mahle inn cio ah um in a tanglam vekin timtuahnak le ralrinnak nei cio ding kan lo sawm.

(a) June 21-22, 2021 (Monday – Tuesday) tiang a tulmi timtuah caan. (b) June 23-30, 2021 Ni (8) sung dawr khar in suakvak lo te’n inn sungah um cio ding.

(3) Cuti a si ruangah tulai Covid-19 pulhnat siava sungin kan khua le kan ram, kan innsang cio thih le hloh um lo tein kan himdam ih kan luat theinak dingah tulpoimawh tuk a um lo ahcun suakvak loin mah le innsang ah um zuam cio hram ding Bawi Khrih hmin in zangfah kan lo dil…”

Be the first to comment

Leave a Reply

Your email address will not be published.


*