‘Falam Mipi Zate Hnenah Zangfah Dilnak’

Falam Kharhkhum awknak cu July thlacem lawlaw tiang a si ding. Falam Christian Ministers Fellowship (Falam Khuasung Pastors Pawlkom) in “Falam Mipi Zate Hnenah Zangfah Dilnak.

(1) A tlun ih thu thawn pehpar awin, Covid-19 leilung tlun pulnatnak cu kan khua le kan ram ah a karhzai lai ruangah mipi suanawknak le thihhlohnak tiang kan um rero lai a si.

(2) Hi Covid-19 natnak ruangah rualpi ṭha, sungkhat, kohhran le khuapi kan thihhloh caan ah topi-thlakungzawn, sunnak, sunloih awnak le thlanmual tiang thlah aw thei lo in caan kan hmang rero zo ruangah mipi natnak suan aw lo ten kan himdam theinak ding hrangah suakvak lo ten mah le inn cio ah um in ralrin timtuahnak nei thei cio ding ah a tanglam vek in zangfah kan lo dil.

(a) Siibawi thawn thuron awnak tla nei in (July 21-31/2021) nihra sung, dawr pawl tla (pehzom in) in khar sak hram ding le company le hnaṭuantu pawl khal a cang thei tawkin cawl sung dingah zangfah kan lo dil.

(b) Bazar ah to lo ten hanghnah hangrah pawl tla phone thawn cah awkin minung pahnih tlun thlun aw loten mipi zawnruahnak nei in daan in thlun sak mi parah FCMF le mipi in lungawi thu kan sim.

(c) Sakhung sa leitu miburpi kan umtlang lo nak dingah sa zuartu in minung pahnih tlun sakhung kiang ah um lo in a sang sang ten lei dingin, in fingkhawi sak ding le sa lei duhtu in sa zuartu hnen ah phone thawn cah awin um tlan daan kan thiam theinak ding zangfah kan lo dil a si.

Be the first to comment

Leave a Reply

Your email address will not be published.


*