Falam Pastor Pawlin Ralkap Hnenah Bawmnak Sumpai An Pe Kirsal

September 5 sun ah ralkap pawlin Falam tualsung ih pastor pawl hnenah 18,000 zat ciar an rak pe. Cumi cu tuisun September 6 ah pastor pawlin an cohlang thei lo ruangah an va pe kirsal.

Ralkap pawlin bawmnak paisa an pe ding thu an rak simcia lo ih meeting nei ding lawngin an ko, cutin pastor pawl cu an feh ih ralkap pawlin bawmnak an rak pe. RC kawhhran pawl cun bawmnak paisa an la lo.

Bawmnak paisa a pe saltu kawhhran pawl cu Ebenezer Baptist Church, Gospel Baptist Church, Revival Baptist Church, Salvation Army, EMC – Evangelical Methodist Church, BPC – Biblical Presbyterian Church pawl an si. Kawhhran pahnih hrawngin bawmnak an pesal maw ti cu theih a si hrih lo ih an zingzoi rero lai.

EMC pastor Rev. Run Lian Thang in “Kei hi kan kawhhran pastor mi 7 hrang 226,000 ka la. Ziangah kan khirh sal tile member mino deuh pawl khan tha an ti lo si bik mei. Kannih khal ziang ti theih loin kan feh. Keimah in ka va khirh. Ca malte in nganter. Kawhhran kan rawn aw hrih si lo, ziang khal le in lak hrih mei auh ka ti” tin Zalen -Chin Edition ah an tarlang.

Be the first to comment

Leave a Reply

Your email address will not be published.


*