Falam Peng Sung Ah Fangfai Man A Kai Vivo Ruangah Fangfai Aiah Vainim Ei A Ṭul Leh Ding

Ralhrang in ramsung thuneihnak an lak hnuah Chin State, Falam peng sungah fangfai man a kaiso vivo, nikhat hnu nikhat fangfai man a khung ruangah tualsung mipi pawlin neta ahcun fangfai aiawh vainim lawng kan ei a ṭul leh ding’ an ti.

Falam pengsung ah May thla thoklam ah Kanan Eramin Koche fangfai dipkhat ah Ks.52000 a si ih August thla thok ahcun Ks.60000 ah a kaiso. Tualsung mi pakhat in, “Tu’ah fangfai dipkhat ah 60000 a si, hmai zarh ahcun 61000 ah a kaiso ding.

Neta ahcun kan lei thei nawn lo ding. Fangfai man a kai vivo ruangah vainim lawng kan ei a ṭul leh ding” a ti. Falam peng ih thilri bungrua phur, fangfai phur motor pawl cu ralhrang pawlin an check-up ih sumpai an dil ṭheu, phur an siang lo mi khal aum ruangah thilri bungrua man a kai deuhdeuh.

Chin ramsung doawknak aum hnuah ralhrang pawlin thilri bungrua phur an kham ṭheu ruangah Chin ramsung ah fangfai le thilri bungrua man a khung deuhdeuh.

Be the first to comment

Leave a Reply

Your email address will not be published.


*