Falam Township IDPs Management Team (FTIMT) Dinsuah Zo

Falam peng sungih raltlan/ralkian thu thawn pehpar in tuakto bu FTIMT cu June 17, 2021 (Tuni) ah mipum 15 thawn Falam Christian Ministers Fellowship (FCMF) le Zatlaang Pawlkom hotu pawl ruahrel khawm in dinsuah a si zo.

Atufang Falam peng sungah beunak hawl in a ra thlengmi Thantlang peng, Khualhring tlang tluan khuami mipum 600 lenglo pawl zohkhennak le Falam peng sungih raltlan/ralkian um tik caan ah semrem le fuhzet ih zohkhen aw thei dingin hih team cu an dinnak a si tiah țuanvo neitu pakhat in a sim.

Team sungtel 15 le sector 6 cu Central Committee for Chin IDPs Help (CCCIH) thawn pehzom in țuan tlaang ding an si.
FTIMT țuanvo neitu pawl cu: (1). Coordinator – Salai Nhgepi Thian Uk Thang (CCCIH), (2) Joint Coordinator 1 – Pu Za He (CCCIH), (3) Joint Coordinator 2 – Sm Bawi Nei Cuai (Bingbi group)

Sector 6 țuanvo nei pawl cu: (1). Food and Shelter – Sy Lalawmpui (FMP), Sy Ram Lian Thang (FCC YF), (2) Data and information – Salai C. Dik Thang le Salai Ezra (FMP), (3) Health Care – Sm Țial Kip Hoi (CRCDF) le Sy Tuak Sang (Red Cross), (4) Finance – Pu Hrang Lawm Thang (GCO) le Rev. Dr. F Thiam Uk (FCMF), (5) Logistic – Pu Van Siang Thang le Pu Hrang Za Lian (Falam Pacang no), (6) Psycho/Social Support – Rev. Ye Aung le Rev. Thang Za Khum (FCMF)

Tuni meeting kaitu 18 pawl in mah le ti thei zat cio an thawhkhawm ih ting 10 lenglo an ngahmi thawn Faang le First Aid kit pawl an cah cih ih Internal Displaced Persons (IDP) timi raal tho ruangih umnak inn le Lo tansantu pawl (hramlak um siseh, khuadang ih beu siseh) hrang timlamnak nei cia dingin hmalaak an thokmi a si.

Falam khuasung ih um bulpak, innsang le kawhhran pawl thawn țan laak tlaang tum a siih ram sung/leeng seherhtu pawl thawn țuan tlaang ding khal tumtah a si. Sumpai thawn țanpi awnak dingah Coordinators pawl hnen ah siseh, Finance sector țuanvo nei pawl hnen ah siseh, pehtlaih theih ringring a si.

Sector hnațuan pawl cak thei dingin: (1). Food and Shelter – Sy Khua Za Kim, Pu Van Nei Thawng, Salai Van Lal Cem Bik, (2) Data and information – Salai Lai Lian Hmung, Mai Annie Kim, Salai Obed Lynn, (3) Health Care – Sm Ei Phyo Wai, Sm Lal Nei Kim, Sm Nei Za Iang, (4) Finance – Pu Dar Lian Uk, Sy Nang Sian Mung, Pu Cung Uk Peng, (5) Logistic – Rev. Hrang Tho, Pu Min Kyaw Naing, Pastor Hrin No Uk, Pastor Philip Lian Uk Thang, (6) Psycho/Social Support – Rev. Dr. Joel Za Hlei Kap, Rev. D Vai Lian Zul, Rev. Dr. Mang Hup Luai tepawl khal sawm bet dingin an relcat tiah theih a si.

Hih FTIMT cun Local IDPs Management Team (LIMT) pawl cu din bet in, a țul dan ih zirin, camp lole khua ih IDPs pawl hrang a țulmi pawl tawlrel dingah an timlammi a si. Atu ah Falam khuasung ah Thantlang peng ihsin ralkian a ratu 100 lenglo le Leilet khua ih a beutu 600 lenglo hrang a țulmi bomnak pawl pe thei dingin tawlrelnak an nei rero tiah theih a si. (#Chinland Herald)

Be the first to comment

Leave a Reply

Your email address will not be published.


*