“Fangfai Cu Kan Zem Aw Lo Ding, Rawl Kan Ei Tlang Ding” Ti Ruangah Thatawknak A Thleng

Bago, Padaung khua ah innsang pabik in an makpa a that. Kum 41 mi U Win Htay le an makpa kum 25 mi Ko Naing cu zu an in tlang.

An zu in laiah fangfai pi 12 ara thleng ih Ko Niang in pi 6 veve in kan ṭhen aw ding a ti. U Win Htay in, “Ṭhenawk a ṭullo, hitin rawl kan suang tlang kei, kan ei tlang sawn ding” a tiih ṭongkam an el aw.

Vengsung mi pakhat in, “Zu an in ih ṭongkam an el aw. U Win Htay in an makpa cu a thong ih a thong ngah lo. Ko Naing in arak thong ve ih an buai” a ti. Nunau pawlin an va ṭhen ih sual aw nawn lo dingin an lem.

Zanriah an ei laiah Ko Niang in a nupi hnenah ‘Na pa in nam in in dawt’ tin a au ciamco. An va zoh ih U Win Htay in a pum ah nam in veihnih arak dawt zo, siizung ah an tlanpi hngal nan a hliamhma tuar loin a thi. U Win Htay khal palik pawlin an kai ih a tualthat thu a phuang aw.

Be the first to comment

Leave a Reply

Your email address will not be published.


*