Fangfai Lem Thuhla Ah Fimkhur A Ṭul, Champhai Ih Thilthleng

Mizoram, Champhai ah fangfai lem rori ih an zummi fangfai danglam zet an hmu. A sample hi an la ih Food Testing Laboratory ah zohdiknak nei dingin an kuat hngal. Champhai Venglai Presbyterian Kohhran Ruby Jubilee lawmnak ruaithehnak hrang rawl an suang laiah fangfai lem ih an zummi cu an hmusuak.

Rawl an suannak ihsin an hmusuak, rawlsuangtu pawlin fangfai hi Champhai Venglai dawr pakhat ihsin an lak thu an rel. Fangfai bag pakhat Suraj timi hminkhen um fangfai cu an suang ih fangfai cu tidai ah a pil thei lo, a hmin hnu khalah fangfai dang vek siloin a dirhsau theih.

Fangfai diklo ih an ruat ruangah an suang hrih lomi fangfai cu dawr ah an va pe kirsal. CMO Office Champhai-a Food & Drug Asst Director, Pi C Ramdinmawii khal fangfai zuarnak dawr ah av feh hngal ih zohfiahnak anei.

Fangfai cu zohdiknak nei dingin sample an la ih Food Testing Laboratory ah an kuat. Legal Metrology lam khalin fangfai hi zohdiknak an nei ih DCSO Champhai in fangfai hi zuarsuak nawn lo dingin a zuartu hnenah theihternak an nei.

Be the first to comment

Leave a Reply

Your email address will not be published.


*