Fanu A Neih Hnu Khalah A Thianghlim Lai

British fala kum 38 mi Kimberley in fanu anei ih a fanu cu kum 3 a kim zo, fanu a neih hnu khalah a thianghlim (virgin) lai. Mipa thawn nupa-nun an hmang hrih lo, 2019 kum ah sibawi thiamnak hmangin mipa cii a lei ih a sul sungah an ret.

Mipa thawn an ittlang hrih lo ruangah an tuamhlawm laiah naa a ti tuk ih sumpai $21,000 lenglo a cemliam. Tlangval cu arak nei ve hnuaihni zo nan nupa-sinak hmang cu a duh lo, “Ka thianghlimnak cu ka pasal hrang lawngah ka ret áš­ha. Pasal dingih ka duhmi ngaingai mipa ka ton tik lawngah ka thianghlimnak hi ka hmang tum” a ti.

Cutin kum 30 a kim tik khalah pasal ding tlak mipa a tong lo ruangah a lungthlitum nau a pai thei nawn lo dingah a ruataw ih sibawi ava rawn. Sibawi in thil ziangkim arak simfiang hnuah sibawi thiamnak hmangin nau a pai. UK ramsung ah mipa thawn ittlang hrih loin naupai 4 an um zo.

Kimberley in, “Nupa-nun hi ziangvek a si ti ka thei hrih lo, nupa-nun thei loin ka thi pang ding ti cu ka thinphang ko. Asinan, ka lungthlitum mipa hnen lawngah ka hmang tum lai. Ka lungthlitum aiin ka fanu ih nunnak hi ka ruat thupi sawn, sibawi thiamnak hmangin naudang neih ka tum lai nan keimah lawng ka si ruangah sumpai lamah harsatnak ka nei lai” a ti.

Be the first to comment

Leave a Reply

Your email address will not be published.


*