Fanu In Hringtu A Pa A Sat That >>>

Shan State, Kyaukme khua, ahmat (1) vengsung ih um putar kum 73 mi U Tun Oo cu a fanu in namtong in a sat ciamco ih a hmun ah a thi. A fanu cu lawngkasanak ah a lek ṭheu.

June 30, 2022 ah a fanu cu lawngkasanak hmun ah sumpai tingtel thawn a tel ih a sung thluh, a pa hnenah sumpai ava dil ih arak pe duh lo ruangah namtong in a sat that. Tualsung mibawmtu pawlkom ih mithi ruak cu an va la.

Mibawmtu pawlkom in, “Mithi ruak cu kan va la ih zung ah kan ret. U Tun Oo sat thattu cu a fanu upabik a si. Sumpai a dil ih arak pe lo ruangah a sat that. A fanu hi a hnenah aum lo, U Tun Oo cu amah lawngin a khuasa. A fanu cu lawngkasanak ah sumpai tampi a sung” a ti.

U Tun Oo cu a fanu in a sat naa tuk ruangah a hmairuh khal a lang thei, zanlam nazi 6:00 hrawngah a ruak cu an va la ih a thaizing ah an vuiliam. Tualthattu khal an kai zo. Ralhrang in ramsung thuneihnak an lak hnuah Kyaukme ramsung ah lawngkasanak tamzet aum ih mino pawl ih nun an siatsuah.

Be the first to comment

Leave a Reply

Your email address will not be published.


*