Fapa Neih A Duh Tuk Ruangah Puithiam Ava Rawn, Puithiam Ih Fial Vekin A Lu Ah Tlawngkhen An Khenlut

Pakistan, Peshawar khua ah naupai pakhat aum ih mipa fa neih a duh tuk ruangah puithiam hnenah ava feh ih fapa neihdan ding a sut. Puithiam in a cal ih tlawngkhen a khenlut asilen fapa a nei ding tin arak fial ruangah tlawngkhen inch 2 ih sau cu a lu ah an khenlut.

Amahten dirhsuah sal a tum nan a dirsuak thei nawn lo ruangah tualsung siizung ah ava feh ih a thiltuahmi cu a phuangaw. Sibawi pawlin an rak buaipi rero hnuah tlawngkhen cu an dirsuak thei. Sibawi in, ‘A vanṭha tuk, tlawngkhen in a thluak a dai ngah lo. Amah cu a ṭha thluh” a ti.

Hitin online sungih a lar ciamco hnuah tualsung palik pawlin an va pan ih a thiltuahmi cu an sutfiah hnuah himi cangvaihnak ih tel zaten kaih thluh an tum rero lai. Nunau khal ziangruangah palik hnenah thubuai a thehlut lo ti an sut rero lai. A lu ih tlawngkhen khenluttu an sut ih amahten a khenawk thu a sim.

Naupai nu in fanu pathum anei zo, tu ih a naupai laimi khal nunau thotho an ti. Curuangah a pasal in nunau fa a neihsal asilen ṭhenaw dingin a hringhro ruangah a beidong tuk ih puithiam ava pan. Naupai nu in, ‘Ahlan khalah kan vengsung ih naupai pakhat cu a lu ah tlawngkhen an khenlut hnuah fapa a hring.

A naupai laiah X-ray an zoh ih nunau a pai nan a lu ah tlawngkhen an khenlut hnu ihsin fapa a hring” tin thuneitu pawl hnenah a thiltuah cu a sim thei. Pakistan ram ah nunau dinhmun hi a niam tuk ih nunau fa neih ding khal an duh lo, mipa fa neih an duh sawn.

Be the first to comment

Leave a Reply

Your email address will not be published.


*