Fate 4 An Nei Nan Umnak Ding An Nei Lo, Pitar In “An Par Ah Kan Thinheng Lo, Sumpai Aiin Ca In Kuat Ṭheu Sehla Kan Duh Sawn” A Ti

Philippines, Linabuan Norte, Kalibo khua te ih um nupa tuakkhat in fate 4 an nei, harsa zetin an cawm thanglian ih an upat tikah cun zohman in an duh nawn lo. An fate pawlin an tlansan thluh.

An fanu 2 cu Manila khawpi ah hnaṭuan in an um ih an nulepa cu an dam maw, an thi ti khal an thei nawn lo. An fapa 2 khal ti cu thotho in an um, an fapa pakhat in a zoh ṭheu lawk nan nupi a neih hnu ihsin a zoh thei nawn lo.

Cutin, cawmtu neilo pitar le putar ah an cang ih lamzin kap ah thlamte sakin an khuasa, an tarcak nawn lo ruangah ziang hna hman an ṭuan thei nawn lo ih kiangkap um pawl ih rawl pek an ring.

Rawl petu an neih lo caan ahcun rawlei loin an um. Energy FM Kalibo pawlin an thuhla an thei ih hmaiton thusutnak an nei.

Pitar in, “Kan fale parah kan thinheng lo, kan ngai tuk sawn. Sumpai cu kan ṭul ko, asinan kan fale hnenah sumpai dil cu kan tum lo. Sumpai aiin ca in kuat ṭheu sehla kan ngai a riam sawn ding, innsang an nei zo ih va ti buai cu kan tum lo” tin mitthli thawn a sim.

Be the first to comment

Leave a Reply

Your email address will not be published.


*