February 1, 2022 Ah Ralhrang In Ramsung Thuneihnak An Lak Kumkhat Kimnak A Si, Curuangah >>>

Falam CDM Supporters: “2022, February 1 ni zinglam nazi 10:00am in zaanlam 4:00pm tiang. A ra dingmi February ni 1 hi rallokap pawlin rampi thuneihnak cu dik lo zetin an laknak kumkhat kim ni a si ti kan thei cio ding.

Cuti ih dik lo zetin rampi thuneinak an lak hnu mipi cu that in, mipi cu kaihhrem in, nulepa le fale karlak ah hlatawknak umter in, mino upa nauhak ti lo; milian farah ti loin kan nuntu khawsak dan harsa in kan hmailam pit ṭheh tertu, fehnak thlennak tinkim ah kan him lo timi ruahnak in khat tertu, lak ding um lo,

Fihnung za thu nei duhnak thawn in namnuai duhtu rallokap pawl ih uknak cu Kan Duh Lo Lawlaw heliah Kan Fih Lawlaw ti langternak le kan tlun ih an tuahmi kan hngilh hrimhrim lo timi langternak hrang February 1, 2022 (Zinglam nazi 10:00am in zaanlam 4pm tiang) rallokap uknak a duhlotu zozo khal awthawm zianghman suah lo, innleng khalah suak lo, dawr pawl khal khar thluh dingah atu ihsin sawmnak kan neicia duh a si.

A ni nai caan ah kan run than sal leh ding. Kan Domi Ral Kan Hngilh Lo! Kan Domi Ral Kan Ṭhelh Lo! Kan Domi Ral Kan Neh Ding! Kan Neh Tengteng Ding!” Ralhrang in ramsung thuneihnak an lak ni ah ralhrang uknak kan duh lo ti langternak ah daiten duhphorhnak langter cio dingin mipi pawl hnenah theihternak an tuah.

Be the first to comment

Leave a Reply

Your email address will not be published.


*