Fimthiamnak Zung Ah Bomb A Puak, Thlahlawh Suah Sayama (5) In Hliamhma An Tuar

Shan State, Naungcho khua ih fimthiamnak zung sungah bomb a puak ih thlahlawh suah sayama (5) in hliamhma nasa zet an tuar.

Tuisun May 31 sun nazi 2:00 hrangah bomb a puak ih zo pawlin bomb an puah ti cu theih a si hrih lo. Tualsung mi pakhat in, “Kan va zoh tikah cun hliamtuar pawl cu damlo motor in an rak phursuak thluh zo. Inn luanglu khal a siat thluh, a puak nasa tuk.

Tuisun hi saya/sayam pawl thlahlawh suah ni a si ih minung khal an tam zet. Hliamtuar pawl cu tlawng sayama pawl an si” a ti.

Hliamtuar sayama pawl cu siizung ah an phur ih an tuamhlawm rero lai. Pakhat cu a dinhmun a ṭha lo zet an ti. Bomb puaknak hmun ah ralkap le palik pawl an va thleng ih a hmun cu an kharpit hnuah zingzoinak an tuah rero lai.