Franklin Graham In, “Ukraine Ram Ah Ka Fehsal Dingih Easter Sunday Sun Ah Pathian Thuthangṭha Ka Phuang Ding” A Ti

Rawngbawltu ropi Billy Graham ih fapa Franklin Graham (kum 69) cu March thla sungah Ukraine ramsung ah aum ih raltlan pawl a bawm, hliamtuar le damlo pawl an tuamhlawm.

US ram ah a tlung zo ih tu’ah Franklin Graham in, “Ukraine ram ah ka fehsal ding, Easter Sunday (April 17) sun nazi 12:00 ah Pathian thuthangṭha ka phuang ding.

Ka pa ih rualpa Mr. Rupert Murdoch in television ih arak pholang ding ruangah a hnenah lungawithu ka sim. Jesuh a thosal zo ti kan lawm lai hi rak zoh cio dingin timtuah uh. Ukraine mipi hrangah thlacam uh law” tin a Facebook cahmai ah a tarlang. A thusim lai cu Fox News ah an tarlang ding.

A rawngbawlnak ah Ukraine raltlan mi 80 in hlarem an sak ding. Franklin Graham in Russia president le Ukraine president hnenah ca a kuat ih Easter caan ah kapaw lo dingin a ngen, ni 10 sung April 15-24 sung kapaw lo dingin a ngen ih Pathian thangṭhah tlang dingin a sawm.

Be the first to comment

Leave a Reply

Your email address will not be published.


*