‘Frozen’ Actress Building Par Ihsin A Tla That

2013 kum ih an tlangthanmi ‘Frozen’ zuknung cu zo khalin an thei thluh men ding, cartoon zuknung a si ih nauhak pawlin an ngaina zet. Japan ṭong khalin an let ih mirang vek thotho in a lar tuk.

Japan ṭong ih lettu Japan lemcan thiam Sayaka Kanda (kum 35) cu December 18, 2021 zan nazi 9.40PM ah aumnak hotel inndot 14th floor nak ihsin a tla that. Kiangkap um pawlin siizung ah an tlanpi hngal nan siizung an thleng hnuah sibawi in a thi zo thu an phuang.

Sayaka Kanda hi Japan lemcan thiam hminthang zet a si ih ‘Frozen’ zuknung ah Princess Anna ih aw ah Sayaka ih aw an hmang. Hringtu a pa khal Japan lemcan thiam hminthang a si ih a nu cu hlasakthiam a si. Hitin building par ihsin a tlak hlan, a sun ah ‘My Fair Lady’ timi puaipi cu Sapporo ah an nei ih Sayaka Kanda cu a lang lo.

‘My Fair Lady’ puaipi ih tel ding a si ruangah December 17 sun ah training ah arak tel nan a ni ahcun a lang lo. Cutin a zan ah building par ihsin a tla that, Disney’s official khalin an riahsiatnak an tarlang. Palik pawlin a thihnak hi an zingzoi rero lai, mah le mah thataw maw, cansualnak ruangah building par ihsin a tla that ti cu an zingzoi rero lai.

Be the first to comment

Leave a Reply

Your email address will not be published.


*