Game Lek A Ṭhanak: Philippines Fala Hnenum Hnaṭuan Le US Tlangval An Neihawk Phah

Philippines fala kum 23 mi Samra cu an innsang harsatnak ruangah Saudi Arabia ram ah mi hnenum in hna a ṭuan. A umhar caan ah RPG (Role-playing games) timi a lek ṭheu, a thinhar caan le a lungleng caan ah RPG game a lek ṭheu.

Game sungah US ram ih um tlangval kum 21 mi Triston thawn an hmeltheih aw. Game lek phah in an bia’aw, a caan len video call in an bia’aw ih an ngaina aw deuhdeuh. An game leknak ah Triston in ralthuam pawl a leksak ih a pe ṭheu, cutin an nelaw deuhdeuh.

Cumi hnuah Triston in a duhthu a sim thei nan Samra in an dinhmun a bangawk lo tuk ruangah a cohlang lo. Triston cu a beidong cuang lo ih a suahcam sun ah laksawng ṭha zet a leisak ih a duhthu a sim cu Samra in a cohlang.

Samra cu an ram ah a tlung ih a tlangval Triston khal a fala tong dingin US ram ihsin Philippines ram ah ava feh. Sakhua dangdang an si ih kutsihnak veihnih an tuah hnuah Triston in a fala cu a duhdawt tuk ruangah a fala tei sakhua ah a lut.

Duhdawtaw zetin Philippines ram ah an um lai, Triston in a nupi cu an ram US ah hruai dingin a tawlrel rero lai. US ram ah an nupa in umhmun khuar lanta an tum. Duhdawt aw zetin hringnun an hmang rero lai. (#Facebook sungah fala le tlangval hawl rero duh nawn hlah, game lek sawn men aw…hhh)

Be the first to comment

Leave a Reply

Your email address will not be published.


*