England lemcan thiam hminthang Emilia Clarke cu alak in zukpi a ngah nawn lo. Kum 35 mi Emilia Clarke cu Game Of Thrones zuknung sau pawl ihsin leitlun mipi in an hmeltheih.
Mipi in an zukpi ṭheu ruangah a cau thei tuk. 2019 kum ah a nu thawn airport an va feh laiah mipi in zukpi dingin an cuh aw ciamco ruangah lungbuai in aum.
A cau tuk ruangah a to ih a ṭap, cutin aum lai khalah mipi in “kan lo zukpi thei kem maw?” an tiih “Ka thaw thei lo, in ngaithiam uh. Reilote ka cawl duh” a ti.
Cumi hnu ihsin zukpi a duh nawn lo. Asinan, tuitum ah thuthar a suah. Lamzin, mipi lakah an zukpi ding asilen veikhat zukpi man ah $180 a ngen, reilote sung an bia duh asilen $483 a ngen thlang.
Leave a Reply