Gangaw Ah Khuabawi 2, CDM Lut Lo Tlawng Saya 1 Le Nure 1 Telin Minung 5 An That

Magway Region, Gangaw khua ah ralkap lamtang minung 5 cu zo ti theih loin an that. May 31 zanlam ah khuabawi 2, CMD ih lut lo tlawng sayama pakhat le nurse pakhat telin minung 5 cu that an si, nurse pakhat in hliamhma nasa zet a tuar.

CDM ah an lut lo ih Gangaw khua ah thlahlawh an va suah, an tlunglam zanlam nazi 6:00 hrawngah Yehla lamzin kawi kiangah that an tong ih motor pakhat khal urkang a si.

An hmin cu Thintaw khua ih tlawng sayama á¹­uanlai Daw Khin Myo Tint, nurse Ma Thida Win, pawlkom hmin cazin ngantu Kyaw Myo Naing, khuabawi U Sein Oo le Hanthawaddy khuabawi U Tar Lu pawl an si.

Nurse pakhat Ma The Mar Htwe cu a thi lo nan hliamhma na zet a tuar. Gangaw ramsung, Ye Lwe khua kiangah mipi kilhimtu PDF le ralkap pawl an doaw rero lai. May 28 ihsin an doaw ih ralkap in Ye Lwe khuasung mi 3 an that hnuah inn pawl khal an urkang.

Be the first to comment

Leave a Reply

Your email address will not be published.


*