Gangaw Lamzin Ah Motor A Let Ih Mipi Ralkap In An Bawm & Mandalay Ah Ralhrang In Mino Pakhat An Kai

Magway, Gangaw lamzin kap ah ar phur motor tumpi cu cansualnak a tong ih a let. June 24 zanlam nazi 7:00 hrawngah ar phur motor cu a break a siat ruangah lamzin kap ah a let.

Motor to mi pathum lakah mi pahnih in hliamhma nazet an tuar, pakhat cu a besia lo. People’s Defence Force-Gangaw pawlin an va bawm ih hliamtuar pawl cu motor an sang sak hnuah siizung ah an phurliam.

Ralhrang pawlin Mandalay, Patheinkyi township ah mino kum 20 mi an kai ih a kutsung ah rockets pahnih an hmuh thu an tarlang. Mandalay Palace kiang building partabik ah mino cu an hmu ih rinhlel um tin thu an sut tum, mino in a rualpi pawl arak hngak lai. Ralhrang pawl a hmuh veten a tlan ih an kai ngah.

A bag sungah rockets pahnih an hmuh ih Mandalay siangpahrang innpi kah an tum tin an tarlang. į¹¬uanvo neitu in, “Building partabik ah rinhlel um mino cu an va kai ih a bag sungah rockets pahnih aum. Mandalay Palace kap an tum, rockets kahnak ding leithanel bag hnih khal an ret cia” a ti.

Be the first to comment

Leave a Reply

Your email address will not be published.


*