Germany Ram Tilian Ruangah Minung 81 An Thi Ih 1,000 Lenglo An Hlo

Germany ramsung ah catbang loin ruah a sur ruangah July 15 ihsin ti a lian ciamco ih mithi le hliamtuar an tam zet.

Tuisun July 16, 2021 ahcun mithi 81 an um zo ih minung 1,300 hrawng cu an thuhla theih ding um loin an hlo, internet/phone line pawl a siat ruangah an innsang pawlin an pehtlaih thei lo.

Ahrweiler district, Cologne ramsung ih tiva cu an luangliam ih inn le lo tampi an nuai siat thluh. Gas/meisa putsuak tivek aum ruangah runsuaktu pawlkom khal duh vekin an cangvai thei hrih lo.

An ram hruaitu pawl khal tuisun ah emergency in meeting an koaw ih mihlo pawl hawldan ding an tawlrel, tilian ruangih hasatnak tuar pawl khal a rang theibik ih bawm dingin hmalaknak an nei tum.

Be the first to comment

Leave a Reply

Your email address will not be published.


*