Haiti Ah Missionary Le Nauhak Pawl An Kaihrem (Kidnap)

Caribbean, Haiti ah US rawngbawltu missionary le nauhak pawl cu misual in an kaihrem thu Christian Today thuthang sungah an tarlang. Christian Aid Ministries in “Pathian kut ah kan ap, thlacamnak thawn in rak bawm cio uh” tin an tarlang.

Haiti ramsung hi an buai zet, July thla ah an president Jovenel Moïse cu misual in an kap that hnu ihsin an ramsung cu a buai deuhdeuh. An kaihmi rawngbawltu lakah US milesa 16, Canada milesa pakhat le nauhak 5 pawl an tel.

October 16 sun ah hngakṭah runinn ah an va feh hnuah bus thawn an kirsal ih Port-au-Prince airport ihsin US ram ah an tlung tum. Cutin lamzin ah misual pawlkom in an rak dingter ih an driver cu an kai hnuah hmun dangah an tlanpi.

Hitin an buai laiah rawngbawltu pakhat in WhatsApp fehtlang in a rualpi hnenah “Zangfahten thlacamnak in in rak bawm cio uh. Misual in in kai, kan driver khal an kai ih hmun dangah in tlanpi. Khuitawk ah in hruai tum ti kan thei lo” tin ca a kuatsuak. Christian Aid Ministries in misual pawlkom cu Mawozo gang pawl an si ding ti an zum, kumthok lam khalah puithiam le sister an rak kaihrem zo an ti.

Be the first to comment

Leave a Reply

Your email address will not be published.


*