Hakha Bomb Puak Ah Chin Mino 3 An Thi, Minung 40 Lenglo An Kai Zo

Chinram khawpi Hakha ah bomb a puak ih Chin mino 3 an thi. June 5 sun ah veithum bomb a puak, Hakha Khuathar ih um inn pakhat kiang le Pa-La-Ka vengih cozah zung hmai ah bomb a puak.

“Bomb puak awn cu a ring tuk ih a ṭihnung tuk” tin vengsung mipi pawlin an rel.

Zanlam nazi 4:30 luan ah Wanma Thu Maung Football Stadium (ဝမ္မသူးမောင်ဘောလုံးကွင်း) par ih cozah zung hmaiah bomb a puaksal.

Bomb puak ruangah Chin mino 3 an thi, nunnak liamtu pawl cu Salai Lai Kulh Thang, Salai Phun Sang le Salai Tial Chawn pawl an si.

Chin ram humhimtu CDF member an si ih Chinland Defense Force in an riahsiatnak le an tantami an innsang pawl an tuarpinak pawl an pholang.

Zo in bomb an kam ih an puah ti cu theih a si hrih lo ih bomb puak lakah ziangtin an thi ti khal theih a si lo. Bomb puaknak hmun ah ralkap le palik pawl an umkhat thluh, ralkap in khuasung minung 40 lenglo an kai zo ih kum upa lam khal an kai thotho. Rest in Peace our fallen Heroes!

Be the first to comment

Leave a Reply

Your email address will not be published.


*