Hakha-Falam Karlak Doawknak Ah CNA Ralkap ‘Salai Thawng Hup Lian’ Ih Nunnak Liam

Tuizing May 5, 2022 zinglam ah Hakha-Falam karlak Tlangzar khua kiangah ralhrang le tualsung mipi ralkap pawl an kapaw.

An kahawknak ah CNA ralkap (sen khat) Salai Thawng Hup Lian in ram le miphun hrangah a nunnak a pek thu theih a si. Ralhrang tank 2 telin ralhrang motor 27 cu Hakha ihsin Falam lam an pan ih lamlak ah CNA le CDF-Hakha in an kap. Tukhalah an kapaw rero.

Ralhrang pawlin Ramthlo khua inn 10 le Tlangzar khua inn 10 hrawng an urkang, Tlangzar khua inn an urkangmi hi a zaten theihfiang a si hrih lo.

Mizan May 4 le May 5 zing tiang an kahawknak ah amal bik ralhrang 18 an thi. Ram le miphun hrangih nunnak hlantu CNA ralkap Salai Thawng Hup Lian ih ruak cu a rualpi pawlin ṭhaten an la thei zo. (#The Chin Journal)