Hakha Ihsin Yangon Feh Tum Mino 3 Cu Check-Gate Ah An Kai

Chin State, Hakha ihsin Yangon feh tum mino 3 cu ralhrang pawlin an phone sung an zohsak hnuah an kai. Mino 3 cu February 16, 2022 zinglam ah Yangon feh dingin Hakha Mann bus an to ih Hakha khua suahnak check-gate ah ralhrang pawlin an kai.

Hakha Mann ṭuanvo neitu in, “Bus totu pawl cu kan mikhual an si vekin phone sungah zianghman ret hlah uh, nan phone pawl an lo check sak ding ruangah phone sungah zianghman ret hlah uh’ tin kan sim thei.

Gate ṭuanvo neitu khalin a cah, asinan ralhrang pawlin mino pakhat ih phone sungah rinhlelmi zuk an hmuh ruangah a rualpi 2 thawn an kai. Hakha khua suahnak ralkap check-point ah a si, zinglam nazi 9:00 ah bus a suak nan himi thil an ton ruangah zanlam nazi 7:30 lawngah bus a tlansuak thei” a ti.

An kaihmi mino pathum cu Hakha ralhrang sakhan ih an um lo ruangah Hakha Sih Buha Kone (266) sakhan ah an um ding ti tualsung mipi pawlin an zum.

Be the first to comment

Leave a Reply

Your email address will not be published.


*