Hakha Khua Kiangah Nazi (1) Lenglo An Kap Aw

Chin State, Hakha khua kiangah ralhrang le CNA, CDF tualsung mipi ralkap tangtlang in an kap aw. July 26, 2022 simlam nazi 4:30 hrawng ihsin an kap aw ih nazi 5:40 hrawng tiang an kap aw.

Ralhrang pawlin Hakah GTI tlawnginn kiang ihsin pukpi an kap, cumi hnuah ralhrang motor 3 hrawng cu Hakha ihsin doawknak hmun lamah an poksuak. An doawknak hmun cu Falam lam le Thantlang lam ah a si ih hmunhnih ah an kap aw.

An doawknak ah kaphnih mithi le hliamtuar thuhla cu theih a si hrih lo. July 25 ihsin ralhrang pawl cu Hakha khua kiangkap ih um khua pawl ah an lut ih meithal an kap, inn an bauhsiat ih innsung thilri bungrua pawl an la.

July 25, 2022 zinglam nazi 11:00 hrawngah ralhrang pawlin Hniarlawn khuami Salai Mang Lian Sang (kum 22) an kap that.

Be the first to comment

Leave a Reply

Your email address will not be published.


*