Hakha Khua Sungih Lut Ralkap Motor Ah An Nupi Fanau Khal An Tel, An Pule In An Tlanhlo Ding An Phang Ruangah Si An Zum

October 20, 2021 sun ah Chin ram, Hakha khawpi ah ralkap pawl an va lut ciamco ih an motor sungah an nupi fanau pawl khal an telve tin kiangkap um pawlin an rel.

Tualsung mi pakhat in “Falam ihsin ra ralkap motor rual cu mizan simlam nazi 3:00 luan hnuah Hakha khua sungah an ra lut. Zan khalah siizung lamah motor an rung mawng, motor sungah hla an sak ih an au ciamco.

Ruahpi a sur ruangah an au-aw cu kan theifiang lo, Hakha khua sungih ra lut ralkap motor cu tank 2 le ralkap motor 50 lenglo a si. An nupi le an innsang pawl khal motor sungah kan hmu. Ralkap hi an tlanhlo ding ti an phang ruangah an innsang pawl khal an hruaitel a si ding ti kan zum” tin Mizzima thuthang hnenah a sim thei.

Himi ralkap pawl cu October 13 zing ah Falam ihsin an poksuak ih lamzin tluan ah mipi inn le lo an siatsuah vivo. Zarhkhat hrawng lamzin ah an tang ih October 20 sun ah Hakha khawpi an thleng, Falam le Hakha cu peng 40 lenglo in a hlaaw.

Be the first to comment

Leave a Reply

Your email address will not be published.


*