Hakha Le Thantlang Ah Nauhak Tlawng Ap An Um Lo Ruangah Tlawnginn A Thing Reprep, Thla A Hrang Pang Ding Ti An Phang

Ralkap in June 1 ihsin nauhak pawl tlawng an kai thlang ding an ti. Myanmar rampum huap ih tlawnginn zaten an ong thlang ding. Tuisun May 24 ihsin tlawng hmin pek a theih tin an phuang nan Hakha le Thantlang ahcun nauhak hmin pe an um lo ruangah tlawnginn a thing reprep thluh.

Thantlang ah nauhak tlawnginn 5 aum ih nauhak hmin pe zohman an um lo. Thantlang ih tlawngta nauhak nulepa pakhat in “Thantlang ih cozah tlawnginn pakhat ah nauhak hmin pe zohman an um lo ruangah tlawnginn tawh an kalh. Thla a hrang pang ding ti a phang um” a ti.

Hakha ah High Schools 4 le Middle Schools 4 aum ih tlawngta nauhak hmin pe an um lo ruangah a reh reprep. Hakha tlawngta nauhak nulepa pakhat in “Ramdang pawl lakah kan ram cu dunglam ah kan um, khua kan tlai ruangah kan zuam zet laiah ralkap pawlin thuneihnak an la cu bei a dong zet.

A hlan ralkap pawl ih in rak uk lai khalah fimthiamnak a niam tuk, tukhalah a niamsal ding. Covid-19 ruangah nikum cu tlawng an kai thei lo, nauhak pawl khal seherh an um zet nan ralkap pawlin diklo zetin thuneihnak an lak ruangah kan cohlang thei lo” a ti.

Tualsung mi pakhat in “Chinram sungah CDM lut an tam tuk ruangah tlawngta nauhak hmin pe an um asikhallen an sinpi cuang zik lo” a ti. June 1, 2021 ah ralkap pawlin Myanmar rampum huap tlawnginn zaten an ong tum nan tlawngta nauhak hmin pe an um ngutngat hrih lo. (Khonumthung Burmese)

Be the first to comment

Leave a Reply

Your email address will not be published.


*