Ham Roll A Ei Hnuah Kum 5 Sung Catbang Loin A Voih Ringring, Taza A Cuai

Pacang kum 46 mi Tyrone cu ham roll a ei hnuah kum 5 sung catbang loin a voih ringring ruangah a tuar thei nawn lo ih ham roll zuartu cu taza a cuai. Zangnadawmnak ah £200,000 lenglo a dil.

December 2017 kum Christmas caan ah a nupi le a fanau pawl thawn Birmingham market ah an va feh ih ham roll a ei. A ei hnu nazi reilote ah a taksa, a pum naa ih a luak ciamco.

Zarh 5 sung cu damlo besia in aum phah, siizung ah an tuamhlawm. Cumi hnu ihsin a pumsung hnaṭuan dan a dik thei nawn lo. Catbang loin a voih ringring, zan a itthat lai khalah a voih ruangah an thangharh ṭheu. Mipi lak khalah a voih ṭheu ruangah a ningzak thei tuk.

Curuangah kum 5 hnuah lawyer a sang ih ham roll zuarnak dawr cu taza a cuai, ham roll zuarnak dawr in an cohlang lo. Ṭuanvo neitu pawlin dawr cu an kharter lawk ih zingzoinak an nei rero lai.

Be the first to comment

Leave a Reply

Your email address will not be published.


*